حدد هدفك واختار كليتك صح !
السلام عليكم ورحمة الله وبركاته
النهارده جبنا موضوع جديد شويه ويمكن ناس كتير اوي بتحتار وهي بتفكر في مستقبلها وفي الآخر بتجبر انها تدخل كليه معينه أو مجال معين وده بسبب أول حاجه مجموع الثانويه أو اجبار الأهل علي الاختيار لابنهم الكليه اللي هم شايفينها كلية قمه من وجهة نظرهم زي الطب والهندسه !!
دلوقتي هتكلم معاك في انك ازاي تقدر تعرف انت عايز ايه وازاي تختار صح !!
بالرغم من صغر سنك وانت في المراحل الأولي من التعليم الا انك تقدر تعرف انت بتحب ايه او ايه المجال الي انت مميز وفيه وبتلاقي نفسك فيه عشان كده نفسك تبقا تكمل فيه وتشوف شخصيه حقيقيه وتحطها قدامك وتحاول توصل لأعلي من كده كمان أيوه انت تقدر وتقدر كمان توصل لأعلي من كده طول ما أنت مؤمن بقدراتك ومؤمن انك تقدر تحقق أي حاجه وفي أي وقت يبقا هتوصل
حدد هدفك واختاره من وانت صغير هتوصل .
وفيه أمثله كتيره وفي أكتر من مجال مش بس مجال واحد زي العالم الدكتور أحمد زويل والحاصل علي جائزة نوبل في الكيمياء وكمان لو انت بتحب الرياضه يبقا أكتر مثال حي قدامك هيبقي النجم المصري محمد صلاح لاعب نادي ليفربول الانجليزي وازاي قدر يوصل للمكانه دي وفي مفس الوقت بيحافظ علي أسس حياته والنظام اللي اتعود عليه من صغره وحبه لبلده .
انت كمان ممكن توصل لأكتر من كده بكتير بس شوف انت بتحب تعمل ايه وكمل في المجال ده واعمل ليه وحاول تطور من نفسك صدقني هتوصل بس حاول تكتشف نفسك بدري عشان متضيعش وقت وانت كبير عشان توصل للحاجه اللي انت بتحبها .
مش شرط حاجه اسمها كلية قمه والكلام ده لا بالعكس شوف انت بتحب ايه واعمله صدقني محدش هيفيدك قد نفسك اللي انت هتحاول تطورها عشان توصل للي بتحبه ..
ركز .. دافع عن هدفك .. واعمل ليه .. وطور من نفسك . صدقني في الآخر هتوصل .
التعليقات على الموضوع