ازاي أقدر اتعرف علي حاسبات ومعلومات وانا اصلا مكنتش اسمع عنها قبل كده !

بص يا سيدي ايوه انت اللي دخلت حاسبات وغرقان مش عارف ايه دي أصلا ! وايه اللي جابك هنا !!

ازاي وامته وليه كل حاجه هتعرفها ف المقال ده .

كلية Computer science او كلية الحاسبات وتكنولوجيا المعلومات سميها زي ما تسميها !

هو مجال يعتبر جديد الي حد ما ف السوق وفي الجامعات ناس كتير جدا كانت بتسأل خلال الفتره اللي فاتت دي هو اللي بيدخل الكليه دي بيتخرج ايه وبيشتغل ايه وبيبقا اسمه الوظيفي كمان ايه ؟!

اول حاجه هو انا هلاقي شغل لما اتخرج ؟

بص في البدايه وفي الواقع اي شغل بيأكل عيش وبيجيب فلوس بس لو انت حابب الشغل ده هتجيب أكتر واكتر وهتلاقي نفسك من بين ناس كتير شغاله انت مميز وبتعمل الحاجه اللي انت بتحبها .
لو ناوي انك خلاص تدخل Computer science يبقا انت لازم يبقا عندك حب وشغف ناحية البرمجه وازاي تستعمل اللغات دي في انك تعمل نماذج حقيقيه قدامك وشغل واقعي شايفه بعيينك وازاي الكود اللي انت بتكتبه ده مجرد حروف وحاجات كده تطلعها ف الاخر بشكل برنامج ممكن يشغل سيستم معين زي أي سيستم بيكون موجود في المحلات الكبيره زي الكاشير زي المولات حاجات زي دي بالظبط ..

لو انت حابب البرمجه وخلاص نويت عليها وحابب تشتغل في أسرع وقت حتي وانت طالب ولسه بتدرس يبقا عليك بالكورسات أيوه الكورسات في اللغه اللي انت حابب تتعلمها وتبرمج بيها هتساعدك جدا علي انك تكون بدأت صح .
حاسبات ومعلومات مش بس قسم واحد لا دي فيها اكتر من قسم علي حسب الكليه فيه كليات فيها قسمين وفيها اكتر من اتنين ..
والقسمين اللي موجودين في معظم الجاكعات لو مش كلها هيبقا علوم الحاسب وكمان نظم المعلومات تعالوا نتعرف عليهم مع بعض أكتر شويه .

قسم علوم الحاسب

القسم ده بيتميز بأنه بيشمل كل حاجه فيها برمجه وكود ، كمان المواد الرياضية فيه أقل من باقي الأقسام لحد ما ، والتخصص في القسم ده من السنة الثالثة في بعض الجامعات ذي جامعة حلوان، ومن السنة الرابعة في جامعات تانيه ذي عين شمس.

وده  قسم مناسب جدا لكل اللي حابب يشتغل كمصمم برمجيات أو مُبرمج، أو مصمم ألعاب، أو تصميم الروبوت والرسوم المتحركة، فبيدرس الطلاب في القسم ده لغات البرمجة،وتاريخ أنظمة التشغيل بالإضافة لهندسة البرمجيات، وقواعد البيانات، وشبكات الحاسب .

تاني حاجه معانا هي قسم  نظم المعلومات

يعتبر القسم ده من أكبر الأقسام في كلية الحاسبات والمعلومات، ده بيعتبر الرابط بين تخصصات علوم الحاسب وكل مجالات العمل، واللي بيساعد الطلاب ف اكتساب المعارف والمهارات، لتحليل وتصميم نظم المعلومات في أي منظمات ومؤسسات الأعمال الحكومية أو الخاصة.

بالإضافة إلى تدريس برمجة قواعد البيانات مع تحليل وتصميم نظم المعلومات، وكمان شويه  من شبكات الإنترنت والاتصالات ومواد التسويق وإدارة الأعمال، بالإضافة كمان إلى برمجة قواعد البيانات وهندسة المعلومات، والتجارة الإلكترونية بشكل عام، فبيتخرج الطالب من القسم كأخصائي نظم أو مبرمج أو مهندس معلومات. 

أقسام الكلية التي تتواجد في بعض الجامعات

 قسم تكنولوجيا المعلومات

القسم ده بيهتم بتدريس كيفية برمجة شبكات الإنترنت ومعرفة ايه اصلا الإنترنت من الأساس، وكيفية برمجة مواقع الإنترنت الضخمة وشبكات الحاسب بأنواعها المختلفة، ودراسة لغات البرمجة الخاصة بالمجال، بالإضافة كمان إلى معرفة كيفية تصميم المواقع.

بيدرس الطلاب في القسم ده أساسيات تكنولوجيا المعلومات، وعلوم الحاسبات وهندسة الكمبيوتر، وإدارة قواعد البيانات والشبكات، بجانب الإدارة الإلكترونية والمعلوماتية، بالإضافة كمان لمجالات الاتصالات وبرامج الحوسبة، وإدارة الأنظمة المعلوماتية والشبكية.

بجانب العديد من المقررات الدراسية واللي بتؤهل متخصص تكنولوجيا المعلومات بعد تخرجه، وبيكون القسم ده موجود بجامعات القاهرة، وحلوان، والمنصورة، والزقازيق والمنوفية، وأسيوط، وبني سويف، والمنيا.

وبيشتغل خريجي القسم ده مبرمجين أو مهندسين شبكات، أو مصممي مواقع، وقي تطوير نظم المعلومات بشكل إداري وهندسي، بالإضافة إلى مديري إدارة نظم معلومات، والمديرين التنفيذين لإدارة تكنولوجيا المعلومات.

  

قسم نظم الحاسبات

وده بقا فيه شبه كبير اوي بينه وبين قسم هندسة الحاسبات بكلية الهندسة، فمجال دراسته مهتم أكثر بالهاردوير، والبرمجة الهيكلية، والمعماريات المتوازية، واللي بيكون موجود بجامعة عين شمس وبنها. 

وبيدرس الطلاب في القسم ده ، مقدمة عن الحاسبات، والتصميم المنطقي، بناء وتنظيم الحاسبات، والنظم المبنية على المعالج الدقيق، ودراسة أساليب أمان الحاسبات وشبكات الحاسب، وكيفية تطوير الشبكات المحلية وصناعة الحاسبات، والنظم متعددة الأوساط.

قسم الحسابات العلمية

والقسم ده بقا بيهتم بتنمية معالجات جديدة للبحث العلمي عن طريق التكنولوجيا الحسابية سريعة التطور وعالية الأداء، فالحسابات العلمية تهتم بالتطوير المنهجي لاستخدام الحاسبات وأساليب الحل الحسابية في فهم ونمذجة ومحاكاة الظواهر في العلوم الطبيعية والهندسية.

ومن أهم المقررات الدراسية بالقسم ده ؛ هم بحوث العمليات، والنمذجة والمحاكاة، والتحليل الإحصائي وتطبيقاته، ونظرية الحسابات، وأساليب الحسابات العددية، والحسابات عالية الداء، ونظرية المويجات، والبرمجة الرياضية، والحسابات الرمزية، والإحصاء الرياضي، كما يوجد القسم بجامعة عين شمس، وبنها، والمنيا.

ويعمل خريجي القسم بالمراكز والمعامل البحثية بالجامعات والمعاهد وقطاعات البحث العلمي والصناعة والبترول والثروة المعدنية وشئون البيئة.

قسم العلوم الأساسية

وده بيكون مهتم بالعلوم والرياضيات اكتر شويه وبيدرس الطالب فيه أساسيات العلوم مثل الرياضيات، وأساسيات العلوم وتطبيقاتها المختلفة في مجالات الحاسب الآلي، فيوجد القسم بجامعة عين شمس، والفيوم، وقناة السويس.  

قسم نظم المعلومات الحيوية

يعتبرالقسم ده  من الأقسام المختلفة بكلية الحاسبات والمعلومات، الطلاب فيه بيتقبلوا من شعبة علمي علوم، بس لازم  يدرس الطالب مادة "رياضة2" في أول سنة بالكلية، كمان متاح لطلاب شعبة علمي رياضة بس يتطلب دراسة مادة "الأحياء" خلال سنوات الدراسة كاملة.

والتخصص في القسم يكون في العام الأول، لأن القسم قائم على دراسة برمجة الشرائح الإلكترونية واللي بتساهم في علاج العديد من الأمراض، عشان كده  فهو قائم على البرمجة الطبية.

يوجد القسم بجامعة عين شمس، ومجالات العمل به في المستشفيات الكبرى.

قسم نظم المعلومات الجغرافية

هو قسم مناسب لمحبي وعشاق مجال الاتصالات، فهو قائم على دراسة الرادار، وشاشات المراقبة، والأقمار الصناعية، وهو موجود في جامعة القاهرة . وده قسم مميز جدا للي حابه . 

قسم هندسة البرمجيات

القسم عبارة عن نمذجه من مواد علوم الحاسب على نظم المعلومات، بالإضافة إلى مواد التسويق والتخطيط، والتخصص فيه من العام الأول، فالقسم يختص بدراسة كل لغات البرمجة، ويوجد في جامعتي حلوان وعين شمس . يعني قسم بتاع كل حاجه كده ..

ومجالات العمل بتكون في الشركات المتخصصة؛ هي البرمجيات، وتكنولوجيا المعلومات، وأقسام الحاسب الآلي في المؤسسات المختلفة والأجهزة المركزية للإحصاء .

قسم بحوث العمليات ودعم اتخاذ القرار

القسم ده من أكتر الأقسام اللي هتدرس فيها الرياضة عن البرمجة؛ فهو يقوم بتدريس كيفية اتخاذ القرار في أي عملية إلكترونية، ويتضمن المجالات العلمية الخاصة بتطبيقات الحاسبات والمحاكاة في الإدارة والاقتصاد والحاسبات الذكية، ويوجد في جامعة القاهرة، والزقازيق، والمنوفية.

ومجالات العمل الخاصة به في مراكز البحوث برئاسة الجمهورية ومجلس الوزراء. 

قسم الوسائط المتعددة

يتواجد القسم بكلًا جامعة أسيوط وبني سويف. 

باختصار وبعد ده كله لو حابب المجال وشايف نفسك تقدر تمشي فيه ادخله وبجد هي مجال كويس جدا وكمان البرمجه حاليا هي لغة العصر في أي مكان هتلاقي شغل برمجه فلازم تكون هتتعلم كويس جدا عشان تشتغل وتقدر تطلع اللي مطلوب منك .. 

بالتوفيـــق ..